ಯುಕೆಯಲ್ಲಿ ಮುಸುಕುಧಾರಿ ವ್ಯಕ್ತಿಯೊಬ್ಬ ಮುಸ್ಲಿಂ ಮಹಿಳೆಯ ಮೇಲೆ ಹಾಡಹಗಲೇ ಹಲ್ಲೆ ನಡೆಸಿರುವ ಘಟನೆ ನಡೆದಿದೆ. ಇದರ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದೆ.
ಮಂಗಳವಾರ ವೆಸ್ಟ್ ಯಾರ್ಕ್‌ಷೈರ್‌ನ ಡ್ಯೂಸ್‌ಬರಿಯ ಬೀದಿಯಲ್ಲಿ ಹಿಜಾಬ್ ಧರಿಸಿದ ಮಹಿಳೆ ನಿಂತಿದ್ದು, ಕೆಲವು ಸೆಕೆಂಡುಗಳ ನಂತರ, ಒಬ್ಬ ಮುಸುಕುಧಾರಿ ಅವಳ ಕಡೆಗೆ ಬಂದು ಅವಳ ತಲೆಯ ಮೇಲೆ ಕಾಂಕ್ರೀಟ್ ಚಪ್ಪಡಿಯನ್ನು ಎಸೆಯುತ್ತಾನೆ.
ಅದೃಷ್ಟವಶಾತ್, ಮಹಿಳೆ ದಾರಿಯಿಂದ ಹೊರಬಂದು ಬಚಾವ್‌ ಆಗಿದ್ದಾಳೆ. ನಂತರ ಆಕೆ ದಾಳಿಕೋರನಿಂದ ಇಬ್ಬರು ಪಕ್ಕದಲ್ಲಿದ್ದವವರ ಕಡೆಗೆ ಓಡಿಹೋಗುತ್ತಿರುವುದು ಕಂಡುಬರುತ್ತದೆ.
X ಬಳಕೆದಾರರು ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. “ಇದು ಸಂಪೂರ್ಣವಾಗಿ ಭಯಾನಕವಾಗಿದೆ – ಪಶ್ಚಿಮ ಯಾರ್ಕ್‌ಷೈರ್‌ನ ಡ್ಯೂಸ್‌ಬರಿಯಲ್ಲಿ ಬಿಳಿಯ ವ್ಯಕ್ತಿಯೊಬ್ಬರು ಹಿಜಾಬ್ ಧರಿಸಿದ ಮುಸ್ಲಿಂ ಮಹಿಳೆಯೊಬ್ಬರ ತಲೆಯ ಮೇಲೆ ಚಪ್ಪಡಿಯನ್ನು ಎಸೆದಿದ್ದಾರೆ” ಎಂದು ಬರೆದಿದ್ದಾರೆ.
About The Author
