ಅಂತರರಾಷ್ಟ್ರೀಯ ಮಟ್ಟದ ಮಾದಕ ದ್ರವ್ಯ ಸಾಗಣೆ ಮತ್ತು ಸಂಘಟಿತ ಅಪರಾಧಗಳ ವಿರುದ್ಧ ಅಮೆರಿಕದ ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ (FBI) ಬೃಹತ್ ಕಾರ್ಯಾಚರಣೆ ನಡೆಸಿದೆ. ಪಂಜಾಬ್ ಮೂಲದ ಗ್ಯಾಂಗ್ಸ್ಟರ್ ಗುರ್ಪ್ರೀತ್ ಸಿಂಗ್ನನ್ನು ಎಫ್ಬಿಐ ತನ್ನ ಅಧಿಕೃತ ‘ಮೋಸ್ಟ್ ವಾಂಟೆಡ್’ (Most Wanted) ಅಪರಾಧಿಗಳ ಪಟ್ಟಿಗೆ ಸೇರಿಸಿದೆ.
ಅಮೆರಿಕದ ತನಿಖಾ ಸಂಸ್ಥೆಯ ಪ್ರಕಾರ, ಗುರ್ಪ್ರೀತ್ ಕುಖ್ಯಾತ ‘ಜಗ್ಗು ಭಗವಾನ್ಪುರಿಯಾ ಸಂಘಟಿತ ಅಪರಾಧ ಗುಂಪಿನ’ ಸಕ್ರಿಯ ಸದಸ್ಯನಾಗಿದ್ದು, ಭಾರತದಿಂದ ಅಮೆರಿಕದವರೆಗೆ ಹರಡಿರುವ ಬೃಹತ್ ಡ್ರಗ್ಸ್ ಜಾಲದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾನೆ.
‘ಆಪರೇಷನ್ ಹಾರ್ಡ್ಬಾಲ್’ ಮತ್ತು ಜಗ್ಗು ಭಗವಾನ್ಪುರಿಯಾ ಗ್ಯಾಂಗ್ ಲಿಂಕ್
ಎಫ್ಬಿಐ ಹಂಚಿಕೊಂಡಿರುವ ಮಾಹಿತಿಯ ಪ್ರಕಾರ, ಈ ಸಂಪೂರ್ಣ ಕಾರ್ಯಾಚರಣೆಯನ್ನು ‘ಆಪರೇಷನ್ ಹಾರ್ಡ್ಬಾಲ್’ (Operation Hardball) ಅಡಿಯಲ್ಲಿ ನಡೆಸಲಾಗುತ್ತಿದೆ. ಅಮೆರಿಕ, ಕೆನಡಾ ಮತ್ತು ಯುರೋಪ್ನಲ್ಲಿ ಆಳವಾಗಿ ಬೇರೂರಿರುವ ಜಗ್ಗು ಭಗವಾನ್ಪುರಿಯಾ ಗ್ಯಾಂಗ್ನ ಡಾರ್ಕ್ ನೆಟ್ವರ್ಕ್ ಅನ್ನು ಸಂಪೂರ್ಣವಾಗಿ ಧ್ವಂಸಗೊಳಿಸುವುದೇ ಈ ರಹಸ್ಯ ಕಾರ್ಯಾಚರಣೆಯ ಮುಖ್ಯ ಉದ್ದೇಶವಾಗಿದೆ.
ಭಾರತದಲ್ಲಿಯೂ ಜಗ್ಗು ಭಗವಾನ್ಪುರಿಯಾ ಗ್ಯಾಂಗ್ ಸುಲಿಗೆ, ಗ್ಯಾಂಗ್ವಾರ್ ಮತ್ತು ಕೊಲೆಯಂತಹ ಗಂಭೀರ ಪ್ರಕರಣಗಳಲ್ಲಿ ದೀರ್ಘಕಾಲದಿಂದ ಪೊಲೀಸರಿಗೆ ಬೇಕಾಗಿರುವ ಮೋಸ್ಟ್ ವಾಂಟೆಡ್ ಪಡೆಯಾಗಿದೆ.
ತನಿಖಾ ಸಂಸ್ಥೆಯ ಪ್ರಕಾರ, ಈ ಅಪರಾಧ ಜಾಲವು ಪಂಜಾಬ್ನಿಂದ ನಿರ್ವಹಿಸಲ್ಪಡುತ್ತಿತ್ತು ಮತ್ತು ಇದರ ನೇರ ಪ್ರಭಾವ ಅಮೆರಿಕದ ಕ್ಯಾಲಿಫೋರ್ನಿಯಾದ ಸೆಂಟ್ರಲ್ ಡಿಸ್ಟ್ರಿಕ್ಟ್ ಸೇರಿದಂತೆ ಹಲವು ಪ್ರಮುಖ ಭಾಗಗಳಲ್ಲಿ ಕಂಡುಬಂದಿದೆ.
ಕಾನೂನುಬಾಹಿರ ಶಸ್ತ್ರಾಸ್ತ್ರಗಳ ಸಾಗಣೆ, ‘ರಿಕೊ’ (RICO) ಕಾಯ್ದೆಯಡಿ ಹಣ ಸುಲಿಗೆ ಮತ್ತು ನಿಷೇಧಿತ ಡ್ರಗ್ಸ್ ಪೂರೈಕೆ. ಲಾಸ್ ಏಂಜಲೀಸ್ನಲ್ಲಿರುವ ಕ್ಯಾಲಿಫೋರ್ನಿಯಾದ ಸೆಂಟ್ರಲ್ ಡಿಸ್ಟ್ರಿಕ್ಟ್ ಅಮೆರಿಕನ್ ಜಿಲ್ಲಾ ನ್ಯಾಯಾಲಯವು ಗುರ್ಪ್ರೀತ್ ಸಿಂಗ್ನನ್ನು ತಕ್ಷಣ ಬಂಧಿಸಲು ಫೆಡರಲ್ ವಾರೆಂಟ್ ಹೊರಡಿಸಿದೆ.
ಅಮೃತ್ಪಾಲ್ ಸಿಂಗ್ ಕೂಡ FBI ರೇಡಾರ್ನಲ್ಲಿ!
ಗುರ್ಪ್ರೀತ್ ಸಿಂಗ್ ವಿರುದ್ಧದ ಕ್ರಮಕ್ಕೂ ಮುನ್ನ, ಇದೇ ವಾರ ಎಫ್ಬಿಐ 30 ವರ್ಷದ ಭಾರತೀಯ ಪ್ರಜೆ ಅಮೃತ್ಪಾಲ್ ಸಿಂಗ್ನನ್ನು ತನ್ನ ‘ಮೋಸ್ಟ್ ವಾಂಟೆಡ್’ ಪಟ್ಟಿಗೆ ಸೇರಿಸಿತ್ತು. 1996ರ ಜನವರಿ 7ರಂದು ಜನಿಸಿದ ಅಮೃತ್ಪಾಲ್, ಉತ್ತರ ಅಮೆರಿಕದಲ್ಲಿ ಕೊಕೇನ್ ಮತ್ತು ಮೆಥಾಂಫೆಟಮೈನ್ನಂತಹ ಭೀಕರ ಡ್ರಗ್ಸ್ ತಸ್ಕರಿಯಲ್ಲಿ ತೊಡಗಿಸಿಕೊಂಡಿರುವ ಗಂಭೀರ ಆರೋಪಗಳನ್ನು ಎದುರಿಸುತ್ತಿದ್ದಾನೆ.
About The Author
