Visitors have accessed this post 364 times.
ಭಾರತದಲ್ಲಿ ಮೋಸ್ಟ್ ವಾಂಟೆಡ್ ಪಾಕಿಸ್ತಾನಿ ಭಯೋತ್ಪಾದಕ ಮಸೂದ್ ಅಜರ್ ಬಾಂಬ್ ಸ್ಫೋಟದಲ್ಲಿ ಕೊಲ್ಲಲ್ಪಟ್ಟಿದ್ದಾನೆ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಹಲವಾರು ಪೋಸ್ಟ್ಗಳು ವೈರಲ್ ಆಗುತ್ತಿವೆ. ಇದಕ್ಕೂ ಮುನ್ನ ದಶಕಗಳಿಂದ ಭಾರತದಲ್ಲಿ ಮೋಸ್ಟ್ ವಾಂಟೆಡ್ ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ವಿಷಪ್ರಾಶನದಿಂದ ಸಾವನ್ನಪ್ಪಿದ್ದಾನೆ ಎಂದು ಇದೇ ರೀತಿಯ ಪೋಸ್ಟ್ಗಳ ಬೆನ್ನಲ್ಲೇ ದೃಢೀಕರಿಸದ ಫೋಟೋಗಳು ಮತ್ತು ವೀಡಿಯೊಗಳು ಬಂದಿವೆ.
ಈ ಹೇಳಿಕೆಗಳು ನಕಲಿ ಎಂದು ತಿಳಿದುಬಂದಿದೆ. ಪಾಕಿಸ್ತಾನದ ಉಸ್ತುವಾರಿ ಪ್ರಧಾನಿ ಅನ್ವರ್ ಉಲ್ ಹಕ್ ಕಾಕರ್ ಈ ಸುದ್ದಿಯನ್ನ ದೃಢಪಡಿಸಿರುವ ಸ್ಕ್ರೀನ್ ಶಾಟ್’ಗಳೂ ಅಷ್ಟೇ ನಕಲಿ.
2001ರ ಸಂಸತ್ ದಾಳಿ ಸೇರಿದಂತೆ ಹಲವು ಭಯೋತ್ಪಾದಕ ದಾಳಿಗಳಿಗೆ ಸಂಬಂಧಿಸಿದಂತೆ ಬೇಕಾಗಿದ್ದ ಮಸೂದ್ ಅಜರ್ ಪ್ರಕರಣದಲ್ಲಿ, ಪಾಕಿಸ್ತಾನದ ಟ್ವಿಟರ್ ಹ್ಯಾಂಡಲ್ಗಳು ಈ ಹೇಳಿಕೆಗಳನ್ನು ನೀಡಿವೆ.
ಜೈಶ್-ಎ-ಮೊಹಮ್ಮದ್ ಮುಖ್ಯಸ್ಥರು ಬೆಳಿಗ್ಗೆ 5 ಗಂಟೆಗೆ ಮಸೀದಿಯಿಂದ ಹಿಂದಿರುಗುತ್ತಿದ್ದಾಗ ಬಹವಾಲ್ಪುರದಲ್ಲಿ ನಡೆದ ಬಾಂಬ್ ಸ್ಫೋಟದಲ್ಲಿ ಕೊಲ್ಲಲ್ಪಟ್ಟ ಎಂದು ಹ್ಯಾಂಡಲ್ಗಳು ಹೇಳಿಕೊಂಡಿವೆ. ವೈಯಕ್ತಿಕ ದ್ವೇಷದ ಹಿನ್ನೆಲೆಯಲ್ಲಿ ಅಪರಿಚಿತ ವ್ಯಕ್ತಿಗಳು ಈ ಸ್ಫೋಟ ನಡೆಸಿದ್ದಾರೆ ಎಂದು ಆರೋಪಿಸಲಾಗಿದೆ.
ಪಾಕಿಸ್ತಾನದ ಯಾವುದೇ ಮುಖ್ಯವಾಹಿನಿಯ ಮಾಧ್ಯಮಗಳು ಇದನ್ನು ವರದಿ ಮಾಡಿಲ್ಲ.
ಉರಿಯುತ್ತಿರುವ ಕಾರಿನ ಫೋಟೋವನ್ನ ಮೊದಲು ಪೋಸ್ಟ್ ಮಾಡಿದವರಲ್ಲಿ ಟೈಮ್ಸ್ ಅಲ್ಜಿಬ್ರಾ ಎಂಬ ಹ್ಯಾಂಡಲ್ ಕೂಡ ಒಂದು. ಮುಜಫರಾಬಾದ್ ಸುದ್ದಿ ಬುಲೆಟಿನ್ ಕೂಡ ಫೋಟೋವನ್ನು ಬಳಸಿದೆ.ಆದ್ರೆ, ಸ್ವಲ್ಪ ಸುದ್ದಿಯ ಅಳಕ್ಕೆ ಹೋದ್ರೆ ಹೆಚ್ಚಿನ ಅಂಶ ಬಹಿರಂಗಪಡಿಸಿತು.
ಅಸಲಿಗೆ, ನವೆಂಬರ್ 3ರಂದು ಡೇರಾ ಇಸ್ಮಾಯಿಲ್ ಖಾನ್ನಲ್ಲಿ ನಡೆದ ದಾಳಿಯಲ್ಲಿ ಪೊಲೀಸ್ ವ್ಯಾನ್’ನ್ನ ಗುರಿಯಾಗಿಸಿಕೊಂಡು 6 ಜನರು ಸಾವನ್ನಪ್ಪಿದ್ದಾರೆ ಮತ್ತು 25 ಜನರು ಗಾಯಗೊಂಡಿದ್ದಾರೆ ಎಂದು ಒಎಸ್‌ಐಎನ್ಟಿ ಎಂಬ ಟ್ವಿಟರ್ ಹ್ಯಾಂಡಲ್ ಪೋಸ್ಟ್ ಮಾಡಿದೆ.
ಆದರೆ ಅವರು ಕೂಡ ಫೋಟೋವನ್ನ ಮರುಬಳಕೆ ಮಾಡಿದ್ದಾರೆಂದು ತೋರುತ್ತದೆ, ಇದನ್ನು ಮೊದಲು 2019ರಲ್ಲಿ ಹಸ್ನತ್ ಅಲಿ ಎಂಬ ಹ್ಯಾಂಡಲ್ ಪೋಸ್ಟ್ ಮಾಡಿದೆ. ಸ್ಫೋಟದಲ್ಲಿ ಮೂವರು ಟಿಕ್ ಟಾಕರ್’ಗಳು ಸಾವನ್ನಪ್ಪಿದ್ದಾರೆ ಎಂದು ಶೀರ್ಷಿಕೆ ನೀಡಲಾಗಿದೆ. ಈ ಮೂಲಕ ಮಸೂದ್ ಅಜರ್ ಸತ್ತಿರುವ ಸುದ್ದಿ ಸುಳ್ಳು ಅನ್ನೋದು ಗೊತ್ತಾಗುತ್ತೆ.
ಅಂದ್ಹಾಗೆ, ಮಸೂದ್ ಅಜರ್ ಹಲವು ವರ್ಷಗಳಿಂದ ಭಾರತದಲ್ಲಿ ಬೇಕಾಗಿದ್ದಾನೆ. 2001ರಲ್ಲಿ ಸಂಸತ್ತಿನ ಮೇಲಿನ ದಾಳಿಯ ಹೊರತಾಗಿ, ಜುಲೈ 2005ರಲ್ಲಿ ಅಯೋಧ್ಯೆಯ ರಾಮ ಜನ್ಮಭೂಮಿ ದೇವಾಲಯ ಮತ್ತು ಫೆಬ್ರವರಿ 2019ರಲ್ಲಿ ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾದಲ್ಲಿ ಸಿಆರ್ಪಿಎಫ್ ಸಿಬ್ಬಂದಿಯ ಮೇಲೆ ನಡೆದ ದಾಳಿಯನ್ನ ಸಹ ಆತ ಗುರಿಯಾಗಿಸಿಕೊಂಡಿದ್ದ. 2016ರ ಜನವರಿಯಲ್ಲಿ ಅಫ್ಘಾನಿಸ್ತಾನದ ಮಜರ್-ಇ-ಶರೀಫ್ನಲ್ಲಿರುವ ಭಾರತೀಯ ದೂತಾವಾಸದ ಮೇಲೆ ದಾಳಿ ನಡೆಸಿದ್ದ.
