Visitors have accessed this post 1394 times.
ಹಿಜಾಬ್ ಧರಿಸದಿದ ಮಹಿಳೆಯರಿಗೆ ಹಿಗ್ಗಾಮುಗ್ಗಾ ಥಳಿಸುತ್ತಿರುವ ಆಘಾತಕಾರಿ ವಿಡಿಯೋ ಹೊರಬಂದಿದೆ. ಬಾಂಗ್ಲಾದೇಶದ ಪ್ರಸಿದ್ಧ ಕಾಕ್ಸ್ ಬಜಾರ್ ಬೀಚ್’ನಲ್ಲಿ ಈ ಆತಂಕಕಾರಿ ಘಟನೆ ನಡೆದಿದೆ.
ಜಮಾತ್-ಎ-ಇಸ್ಲಾಮಿಯ ವಿದ್ಯಾರ್ಥಿ ವಿಭಾಗವಾದ ಇಸ್ಲಾಮಿ ಛತ್ರಶಿಬಿರ್ನ ಸದಸ್ಯರು ಸಂಪ್ರದಾಯವಾದಿ ಇಸ್ಲಾಮಿಕ್ ಡ್ರೆಸ್ ಕೋಡ್ಗಳನ್ನು ಅನುಸರಿಸದ ಮಹಿಳೆಯರನ್ನ ಗುರಿಯಾಗಿಸಿಕೊಂಡಿದ್ದಾರೆ.
ಶಿಬೀರ್ ಕಾರ್ಯಕರ್ತ ಎಂದು ಗುರುತಿಸಲ್ಪಟ್ಟ ಫಾರೋಕುಲ್ ಇಸ್ಲಾಂ, ಬುರ್ಖಾ ಅಥವಾ ಹಿಜಾಬ್ ಧರಿಸದೆ ಒಂಟಿಯಾಗಿ ಕಂಡುಬಂದರೆ ಕೋಲಿನಿಂದ ಮಹಿಳೆಯರ ಮೇಲೆ ಹಲ್ಲೆ ನಡೆಸುತ್ತಿದ್ದಾನೆ ಎಂದು ವರದಿಯಾಗಿದೆ, ಇದು ದೇಶಾದ್ಯಂತ ಆಕ್ರೋಶವನ್ನ ಹುಟ್ಟುಹಾಕಿದೆ.
ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ ವೈರಲ್ ಆಗಿರುವ ವೀಡಿಯೊಗಳಲ್ಲಿ, ಹಲವಾರು ಮಹಿಳೆಯರನ್ನ ಗುರಿಯಾಗಿಸಿಕೊಂಡು ಒಬ್ಬ ಮಹಿಳೆಯನ್ನು ಥಳಿಸುವುದು ಮತ್ತು ಇನ್ನೊಬ್ಬರನ್ನ ಕುಳಿತುಕೊಳ್ಳುವಂತೆ ಹೇಳುವುದನ್ನ ನೋಡಬಹುದು.
ಚಿತ್ತಗಾಂಗ್ನ ಚುನಾಟಿ ಹಕೀಮಿಯಾ ಕಾಮಿಲ್ ಆನರ್ಸ್-ಮಾಸ್ಟರ್ಸ್ ಮದ್ರಸಾದೊಂದಿಗೆ ಸಂಯೋಜಿತವಾಗಿರುವ ಇಸ್ಲಾಂ ಈ ದಾಳಿಯನ್ನು ರೆಕಾರ್ಡ್ ಮಾಡಿ ಫೇಸ್ಬುಕ್ನಲ್ಲಿ ಪೋಸ್ಟ್ ಮಾಡಿದ್ದಾನೆ ಎಂದು ಆರೋಪಿಸಲಾಗಿದೆ. ಈ ವೀಡಿಯೊಗಳು ಬಾಂಗ್ಲಾದೇಶದಲ್ಲಿ ಹೆಚ್ಚುತ್ತಿರುವ ಉಗ್ರವಾದದ ಅಲೆಯ ಭಯವನ್ನು ಹುಟ್ಟುಹಾಕಿವೆ, ಅನೇಕರು ಪರಿಸ್ಥಿತಿಯನ್ನ ತಾಲಿಬಾನ್ ನಿಯಂತ್ರಿತ ಅಫ್ಘಾನಿಸ್ತಾನಕ್ಕೆ ಹೋಲಿಸಿದ್ದಾರೆ.
